轉載:隔牆有耳：產業署被指打壓言論自由

2010年9月27日

程展緯諷刺產業署嘅作品，俾產業署要求拆落嚟。

近日，土瓜灣牛棚藝術村發生咗一宗產業署涉嫌借行政手段打壓言論、創作自由嘅事件，搞到一班藝術工作者要聯署去信政府產業署長郭家強，予以譴責。
話 說牛棚正舉行「土人土事」社區藝術計劃，參展嘅程展緯有感產業署成日對進出牛棚嘅公眾施加繁苛嘅限制，於是喺藝術公社外牆掛開橫額嘅位置，掛咗幅批評產業 署嘅作品。但 9月 21日產業署指示管理處要藝術公社拆幅作品落嚟，翌日仲去信藝術公社同牛棚另一租戶 Videotage，連佢哋掛喺外牆嘅海報橫額都要統統拆除。
對於產業署試圖以粗暴行政手法打壓言論同創作自由，意圖消滅藝術家對產業署長期不當管理牛棚嘅批評，已經有逾 120人聯署，提出嚴重抗議。佢哋嘅公開信除要求當局道歉同撤回無理要求，仲要立即取消藝術村嘅出入登記政策，畀公眾自由出入參觀。
連個小小嘅牛棚都搞成咁，特區政府要搞西九文化區，八方真係好擔心，班官僚會搞出個大頭佛。